Os avez ti du mau d'fouére un sonme pér aprés avoér diner ? Én cachez pus ! Deux pubicitaires Barcelon.nés is ont treuvé l'bout qu'i vo dvant . Is ont ahansé* NAPFLIX ...éq ch'est eune chaine ed télé qu'al vo vous aidier à vos indordler* , os dormirez conme éch tchot jésus !
Napfix , ch'est in.ne chaine qu'al diffuse dés concours ed boules , dés vidéos d'pleuf' qu'al chambuque* su chés carrieux ; o bien dés cours ed physique quantique , o bien coér a mzure un match in chinq sets amon Roland Garros ! Marche , ej min vo quitter lo , piqu'éj voés qu'vos ziux is cminch'te à s'freumer et qu'os allez mie térder à piquer du nez pi fouére pringére* !!
*Ahansé = Conçue
*Indordler = S'endormir
*Chambuquer = Frapper
*Pringére (fouére) = Faire une siéste
Aucun commentaire:
Enregistrer un commentaire