Blog ahansé pour tous chés matchés , chés aragés d'Picard conme mi , pi ti étou probabe ...Jou qu'on peut s'édviser d'toute in Picard ?! . Asseuré qu'oui , pi j'vo m'atchénir à vos l'démontrer in r'visitant chés z' actualités d'chés quate tchuins dé ch'globe . Os pouvez m'laissier un commintaire in Picard , Ch'ti , Rouchi , Hainaut Belge . Marci d'vo comprintichoére . A vos lire ....Ez 'ZÉF
mercredi 18 janvier 2017
Ch'est poin pérmis !
Asteure un molé tout pértout din chés villes os avez d'z indroéts réservés à chu " covoiturage" . Os pérkez vo voéture a ch'boin implachemint pi os intiquez deux , troés pérsonnes din vo carette . Dusqu'a la tout est fin bien , est aisié a comprinde .
Maginez qu'el 28 déchémbe n'y-o un gazier * qu'i s'a foait arter* pér chés gindarmes qu'is y-ont dmindé sés papiers ...os pinsez pététe qué j'min va vos dire qu'is zz'avoait oblié ! Wate* !!
I n'avoait carémint poin d'permis . Ech coco la i s'avoait inscrit d'sur un site ed covoéturache et i tringbaloait dés gins pou s'fouére un molé d'pécaille sans sin papier rose coér .
Pour n'in définir ch'est un d'chés 2 passagers qu'i avoait sin permis qu'i l'o du prinde ech volant pour terminer ch'voéyache ...Manne un peuw !
*Gazier = Drole d'individu
*Arter = Arreter
*Wate = Exprime le doute
Inscription à :
Publier les commentaires (Atom)
Aucun commentaire:
Enregistrer un commentaire