I nn'o poin deux conme cho au Nord éd Péris qi'is disoait'té din chu jornal . Adon in n'in dvisant aveuc min bieu frére el jour dé ch'réveillon eq li ch'est un ravagé d'cache , ej pinsoais li apprinne quétchose , vlo ti poin qu'i m'déclaque qu'i nn'avoait djo foait à Montreuil ( poin 2 conme cho au nord éd Péris qu'is disoait't ...)
Marchez , j'vous in touche quiques mots . A s'passe din un grand magasin éspécialisé din l'cache et l'péque , a l'intrée is ont mis un simulateur ed tir pour chés bétals qu'is seucht'te a pleumes o bien à poilles ; cras Ó tchot gibier . Ch'est un acrinquillache* ed visée qu'o peut métte su tous chés fusils , cha carcule el trajéctoére ed chés projectiles , érproduit l'impac* ; corrige el line ed tir pindant l'visée pour qu'ech tireu i peuche comprinde a coeuse qu'i l'o loupé cho's cibe .
Os povez minme vous abouler aveuc vo propre é-fusil , chu systéme ed visée i l'est adaptabe su tous chés armes . Coésir ed cacher in plaine , o bien din chés huttes , coésir étou chés décors pér driére . Pi pour chétlo qu'is vourroait't bien ésséyer mais qu'is n'oseroait't poin tirer su dés bétals , os porez coésir ed flinguer dés platieux ( bal - trap) ....!
*Acrinquillache = Petit materiel divers
*Impac = Impact
Min Zèf, mi ej pense qu'is pourroai'te mette des fin tiots missiles djidés pèr des lasers. Conme chu ches avions. Ech cacheu i tire à gueuche, et tue à droéte. Rate rin.
RépondreSupprimerA nos rlire