10 minutes

J'm édvise avoék in.ne gin , histoére ed berdler un molé cha foait passer un tchot momint

Pér aprés 10 minutes ch't honme i m'déclaque :

- M'sieur tous vo nunuteries n'm intéresse guére . Os m'avez foait perde min témps ; 10 minutes ed pardues , ed vo feute à vous .

Et pi i décampe ed la .

Mais voéyez vous ; j'n ai poin quére qu'on m'foaiche dés r'proches , a malaise quante is n'sont mie justifiés ! Manne un peuw ! ed quél droét i s'permet ch' gazier la ...

Alors' j'm érprins , ej cours conme un dératé pour racacher ch'bonhonme et j'i robole :

- M'sieur ; os m'avez bien dit qu'ej vos avez foait pérde 10 minutes ! Éh bin , j'viens ichi dé nn in pérde dix à insayer d'vous rattraper ! Os sonme quitte , ti poin vraï !!