Ch'est un type qu'i vient d'rouler pér nuit , du coup al pointelette i décide ed s'arter un momint pou s'adover un molé ! I pérke és s'auto à l'intrée d'eune gran.ne ville un peuw à l'écart dé ch'busin* . Mais i l'étoait loin dé s'douter qué ch'parkinje d'ou qu'i l'étoait ch'étoait l'passache obligé d'chés " Joggers " du diminche !
Su l'coup d' sept heures on buque à ch'carrieu dé s'n auto !
Vlo ch't honme déreiveillé , i l'ouve un ziu , bache sin carrieu , et i dit :
- Oué , quoé ch'est qui s'passe , quoé qu'os voulez ??
- Os avez ti l'heure qu'i dminde chu jogger ?
- 7h 15 qu'i répond ch'voéyageu un molé épiné*
El jogger lé r'mercie et i s'rin vo tout courant ! Ech't honme i peut s'rindormir ; mais ha n'dur poin ; coér un coup on buque à ch'cassis* dé s'voéture
- Os séroéte ti m'dire l'heure qui l'est min brave honme ?
I est 7 h 15 qu'i rinfique ech voéyageu qu'i cminche dé n-n avoér pér dsus la tête dé ch'trimac la !....El deuxiéme jogger lé r'mercie pi s'in vo .
Suffit ! ha n'peut mie pu durer conme cho , jé n'sérais don janmoés m'rapurer un molé ichi , i prind un craihon* un papier et i l'écrit : JÉ N'SAIS POIN L'HEURE QUI L'EST ...Pi i plaque ech billet bien visibe su sin carrieu dé s'n auto et i s'rindort .
Un quart d'heure pu térd on buque à ch'carrieu...
- M'SIEUR , M'SIEUR I L'EST 7H45 !!
*Busin = Bruit
*Epiné = Agacé
*Cassis = Vitre
*Craihon = Crayon
Aucun commentaire:
Enregistrer un commentaire